O campionato tivo lugar este fin de semana nas Pistas do Complexo deportivo Bahía Sur de San Fernando (Cádiz), organizado pola Federación española de deporte para persoas con discapacidade intelectual (FEDDI).
Participaron un total de 51 Clubes e 291 atletas de todo o estado español. San Rafael, Chapela e Aspanaex (Vigo), e o San Xerome (A Guarda) foron os Clubes que representaron a Galicia.
O atletas do Baixo Miño, tiveron unha destacada actuación tanto na categoría de competición (Luis, Borja, Javi, Amparo e María ), como na categoría adaptada (Maite e Francisco).
Importantísimas as duas medallas de ouro acadadas pola atleta residente en San Miguel de Tabagón (O Rosal), María F. García Orduna, nas especialidades de lanzamento de disco e xavalina. Completando a sua boa actuación cun meritorio 5º posto en lanzamento de peso.
Excelentes os resultados e impresionante o traballo desenrolado polos adestradores voluntarios ó longo desta tempada; nun ano no que o noso Club, ó igual que moitos outros, sufriu as consecuencias da críses con importantes recortes nas subvención oficiais. De feito, a viaxe a Cádiz foi costeada integramente polos deportistas e as suas familias.
No hay comentarios:
Publicar un comentario