NOTICIAS BREVES do Colexio SAN XEROME EMILIANI.

Adxuntamos unha pequena viaxe polos acontecementos das últimas semanas e as novidades dos próximos dias no San Xerome.                                                 A fotografía corresponde a Hortiña ecopedagóxica inaugurada fai uns dias na Quinta das Mercedes (A Gándara).

Un saúdo.

Carlos González Blanco

NOTICIAS BREVES

Unha viaxe polos acontecementos das últimas semanas e as novidades dos próximos dias:
• Asamblea xeral de socios. Aprobaronse as contas cun saldo favorable de 900 € , sendo os gastos anuais de 1 millón seiscentos mil € , nunha entidade da que dependen 120 usuarios e máis de 60 traballadores. Os presentes ratificaron a Xunta Directiva presidida por Asunción Dacuña Pacheco e manifestaron o apoio a sua xestión.
• ANPA. A Asociación de nais e pais Joaquina de Otero do Centro San Xerome, presentou na citada Asamblea os seus proxectos, marcados pola celebración do 30 aniversario do Centro. Destacamos a entrevista co Delegado de transportes da Xunta para falar do transporte dos alumnos en idade escolar, e a reunión con outras entidades para tratar de xestionar un Programa de respiro familiar na zona sur de Galicia. No terreo festivo, no mes de xuño haberá unha viaxe a Bracalandia, e no mes de xullo un festival de humor e música. Informaron ademáis da aportación da cantidade de 400 € a cada un dos sectores de atención do Centro (CEDI, Educativas e Prelaboral) para a realización de actividade de ocio de fin de curso (campamentos, etc) .
• O San Xerome no teito de Galicia. Nesta ocasión imos celebrar os 30 anos do Centro, cun reto lúdico – deportivo. Trátase da subida camiñando dende A Veiga (Ourense) ata Peña Trevinca (punto máis elevado da xeografía galega), alí colocaremos a bandeira do noso Centro o sábado 21 de maio. Na actividade participará un grupo de 18 aventureiros (usuarios, voluntarios …), coordinados polo especialista Roberto Miranda, e co patrocinio económico do Concello de Tomiño.
• Hortiña ecopedagóxica. A pasada semana inaugurouse na Quinta das Mercedes da Gándara, coa presencia de alumnos de tódolos sectores, a Hortiña ecopedagóxica. Un proxecto do Sector prelaboral que recén despega, e do que moi pronto veremos os seus froitos (leitugas, tomates …) a venda na nosa Tenda (Rua Galicia).
• Colaboración co Club de remo Robaleira. Gracias a este acordo hai posibilidades de que o incio da próxima temporada remeiros con discapacidade esten presentes nas citas do calendario competitivo. Nos próximos dias farase a selección dos candidatos para iniciar a sua preparación no mes de setembro.

• Máis deporte.
Na Liga galega galega de fútbol sala e na máxima categoría de competición, despois da celebración da segunda xornada, ocupamos o segundo posto a 3 puntos do R. Chapela.

En Atletismo, 10 deportistas do noso Club participarán no Campionato galego en Vilagarcía, e 7 o farán no Campionato de España que terá lugar en San Fernando (Cádiz).

Asimismo, 6 compoñentes do noso equipo de baloncesto, 3 do de fútbol sala e 1 atleta representarán a Selección galega no Campionato de España de seleccións autonómicas que terá lugar en xuño na cidade de Murcia.